ԵՐԵՎԱՆ, 28 փետրվարի — Sputnik. ՀՀ ԱԻՆ փրկարար ծառայության օպերատիվ կառավարման կենտրոն նախօրեին երեկոյան քաղաքացին ահազանգել է, որ իր թոռները, որոնք գտնվում են գիշերօթիկ դպրոցում, իրեն հայտնել են, որ ցանկանում են ինքնասպան լինել` կախվելու միջոցով, հայտնում է shamshyan.com-ը։
Օպերատիվորեն գիշերօթիկ դպրոց է ժամանել ճգնաժամային կառավարման ազգային կենտրոնի օպերատիվ խումբը` փրկարարական ծառայության կապիտան Արթուր Ճաղարյանի և հոգեբանական խորհրդատվության գծով հրահանգիչ, փրկարար ծառայության լեյտենանտ Մերի Գևորգյանի գլխավորությամբ: Նրանք երեխաների խնամքի և պաշտպանության համար թիվ 2 գիշերօթիկ հաստատության սաներ` 10-ամյա Դավիթ Ամիրխանյանի և 14-ամյա Հայկ Փափազյանի հետ հոգեբանական զրույց ունենալուց հետո կարողացել են նրանց համոզել, որպեսզի չդիմեն այդ ծայրահեղ քայլին:
Գիշերօթիկ են ժամանել նաև թիվ 10 հրշեջ-փրկարարական ջոկատը, ոստիկանության Նուբարաշենի բաժանմունքի օպերատիվ խումբը, Երևանի 1-03 շտապօգնության հերթապահ խումբը:
