ԵՐԵՎԱՆ, 9 մարտի — Sputnik. Պետեկամուտների կոմիտեն հայտնում է, որ քաղաքացիներ Գեղամ Մինասյանի, Սամվել Ռշոյանի եւ Վահե Նալբանդյանի անունով փետրվարի 23-ից 25-ը Հայաստան ներկրված բեռների մեջ առկա են եղել չհայտարարագրված ոսկյա եւ արծաթյա զարդեր:
«Նախաբացթողումային հսկողության վարչության աշխատակիցները «Մետեքսիմ Տերմինալ» ընկերության մաքսային հսկողության տարածքում «Ռապիսկան» սարքի օգնությամբ զննության են ենթարկել «Կարմիր ուղի» ընթացակարգով ներմուծված բեռները և բացատրություն վերցրել քաղաքացիներից:
Բացահայտված մաքսանենգ ապրանքը փաթեթավորվել, կապարակնքվել ու փոխանցվել է ՊԵԿ հետաքննչական մարմնին»,-նշել է ՊԵԿ նախաբացթողումային հսկողության վարչության 3-րդ բաժնի պետ Հովակիմ Սարգսյանը:
