ԵՐԵՎԱՆ, 19 մարտի – Sputnik. «Դալմա Գարդեն Մոլ» առևտրի կենտրոնի մոտից բերման ենթարկված 36-ամյա Հայկ Սարգսյանը ձերբակալվել է։
Մեր տեղեկություններով` դեպքի առթիվ ոստիկանությունում քրեական գործ է հարուցվել քրեական օրենսգրքի 235-րդ հոդվածի հատկանիշներով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)։
Նշանակվել է դատաձգաբանական փորձաքննություն։
Shamshyan.com-ն ավելի վաղ տեղեկացրել էր, որ երեկ՝ մարտի 18-ին, ոստիկանության քրեական հետախուզության գլխավոր վարչության աշխատակիցները Երևանի «Դալմա Գարդեն Մոլ» առևտրի կենտրոնի մոտից ոստիկանության քրեական հետախուզության գլխավոր վարչություն են բերման ենթարկել 36-ամյա Հայկ Սարգսյանին։ Նա հանցագործ աշխարհում հայտնի, «օրենքով գող» աստրախանցի Հայկոն է։ Նրա մոտ հայտնաբերվել է ատրճանակ։