ԵՐԵՎԱՆ, 18 սեպտեմբերի — Sputnik. «Կոշ» քրեակատարողական հիմնարկի պետ Լյովա Բաղդասարյանը ձերբակալվել է։ Sputnik Արմենիայի հետ զրույցում այս լուրը հաստատեց ՔԿ ծառայության հանրային կապերի բաժնի պետ, արդարադատության մայոր Նոնա Նավիկյանը։
18 սեպտեմբերի 2019, 11:54
«Այո, հաստատում եմ, լուրը։ Այո՛, կաշառք ստանալու մեղադրանքով»,– հայտնեց Նավիկյանը։
Մեր զրուցակիցը նաև հայտնեց, որ ձերբակալությունը տեղի է ունեցել այսօր` սեպտեմբերի 18-ի առավոտյան։
Հարուցված քրեական գործի նախաքննությունն իրականացնում է Ազգային անվտանգության ծառայությունը։
