ԵՐԵՎԱՆ, 7 նոյեմբերի - Sputnik. ՀՀ նախկին գլխավոր դատախազ Գագիկ Ջհանգիրյանը ՀՀ վարչական դատարանից հետ է վերցրել իր դիմումը, որով խնդրել էր վերականգնել իր երբեմնի կոչումներն ու պաշտոնը։ Այս մասին գրում է «Ժողովուրդ» օրաթերթը։
«Ես հիմա երկրորդ բողոքը տանում եմ Քրեական պալատի որոշման հիման վրա, այ դրա համար եմ հետ վերցրել… Կա Ռոբերտ Քոչարյանի երկու ապօրինի հրամանագրերը անվավեր ճանաչելու մասին բողոք»,–«Ժողովուրդ» օրաթերթին ասել է Գագիկ Ջհանգիրյանը:
Հիշեցնենք, որ 2019 թվականի սեպտեմբերի 18-ին Վճռաբեկ դատարանը բեկանեց տարիներ առաջ Գագիկ Ջհանգիրյանի նկատմամբ կայացված մեղադրական դատավճիռը և արդարացրեց նրան:
Դատախազությունում խոսվում էր, որ հնարավոր է` Ջհանգիրյանը նախկին` դատախազի տեղակալի պաշտոնում վերականգնվի՝ չբացառելով, որ գլխավոր դատախազ էլ կնշանակվի, եթե մինչ այդ թոշակային տարիքը չլրանա:
Հատուկ Գագիկ Ջհանգիրյանի համար քննչական նոր մարմին է ստեղծվելու. «Ժամանակ»
Երկրորդ նախագահ Ռոբերտ Քոչարյանի` 2008թ.-ի հրամանագրերով Գագիկ Ջհանգիրյանն ազատվել էր դատախազի տեղակալի պաշտոնից և զրկվել դասային աստիճանից։
Նյութն ամբողջությամբ՝ թերթի այսօրվա համարում։
