ԵՐԵՎԱՆ, 4 դեկտեմբերի — Sputnik. Սյունիքի Խնձորեսկ գյուղում 51–ամյա տղամարդուն մահացած են գտել։ Ինչպես Sputnik Արմենիայի հետ զրույցում ասացին ՀՀ ոստիկանությունից` նախնական տվյալներով`տղամարդը ինքնասպանություն է գործել։
Գորիսի Շտապօգնության խումբն ահազանգ է ստացել, որ Խնձորեսկում 51-ամյա տղամարդը բժիշկների օգնության կարիք ունի։ Խնձորեսկ մեկնած բժիշկներն արձանագրել են, որ նա մահացած է ու տեղեկությունը փոխանցել են իրավապահներին։
Դեպքի վայր մեկնած ոստիկաններն արձանագրել են, որ մահացած տղամարդու մարմնին հրազենային վնասվածք կա, իսկ կողքին՝ որսորդական հրացան։
Դեռևս հայտնի չեն, թե ինչ հանգամանքներում է տղամարդը հրազենային վնասվածք ստացել։
Ողբերգական դեպք Երևանում. երիտասարդը կիսակառույցի 8–րդ հարկից ընկել է ու մահացել
.jpg){kind=link}