ԵՐԵՎԱՆ, 14 հունվարի — Sputnik. Այսօր առավոտյան Երևանի Արշակունյաց պողոտայում՝ «Գրանդ Տոբակո» սահմանափակ պատասխանատվությամբ ընկերության մոտակայքում, 16 տարեկան տղա է վրաերթի ենթարկվել։ Այս մասին հայտնում է արտակարգ իրավիճակների նախարարության մամուլի ծառայությունը։
«Հունվարի 14-ին, ժամը 10:58-ին «911» ծառայությունն ահազանգ է ստացել, որ քաղաքացին վրաերթի է ենթարկվել և գտնվում է ճանապարհի երթևեկելի հատվածում: Դեպքի վայր է մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,–նշված է հաղորդագրության մեջ:
Սարսափելի պատահար Երևանում. կանայք հարվածից շպրտվել են հանդիպակաց գոտի
Պարզվել է, որ Արշակունյաց պողոտայի թիվ 196 շենքի մոտակայքում «Opel Astra G» մակնիշի ավտոմեքենան (վարորդ՝ Արթուր Հ., ծնված 1996 թ.) վրաերթի է ենթարկել 2004 թվականին ծնված Գագիկ Խ.-ին:
Փրկարարները տուժածին մոտեցրել են շտապօգնության ավտոմեքենային: Գագիկ Խ.-ն հոսպիտալացվել է «Սուրբ Աստվածամայր» ԲԿ, որտեղ բժիշկները նրա առողջական վիճակը գնահատել են բավարար:
Երևանի կենտրոնում տղամարդը նետվել է 11–րդ հարկից
