ԵՐԵՎԱՆ, 21 հունիսի – Sputnik. Առաջիկայում Հայաստանում ստեղծվելու է քննչական նոր մարմին: Այս մասին գրում է «Ժամանակ» օրաթերթը։
«Դեռևս քննարկման փուլում է այն հարցը, թե ինչ գործառույթներով այն պետք է օժտված լինի, բայց հայտնի է, որ ստեղծվում է գլխավոր դատախազի նախկին տեղակալ Գագիկ Ջհանգիրյանի համար»,– նշում է պարբերականը:
Ջհանգիրյանը 1991-1997 թվականներին աշխատել է Արդարադատության նախարարությունում` որպես դատական մարմինների վարչության պետ, այնուհետև` արդարադատության նախարարի առաջին տեղակալ։ 1997-2006 թվականներին աշխատել է որպես ՀՀ Զինվորական դատախազ, 2006-ի հունվարի 17-ին նշանակվել է ՀՀ Գլխավոր դատախազի տեղակալ։ 2007-ի փետրվարի 23-ին ազատվել է աշխատանքից։
