ԵՐԵՎԱՆ, 5 սեպտեմբերի — Sputnik. Կառավարությունում այժմ 1 կին նախարար կա, 12 կին փոխնախարար։ Այս մասին Facebook սոցիալական ցանցի իր էջում գրել է ՀՀ վարչապետ Նիկոլ Փաշինյանը։
«Վարչապետի աշխատակազմի ղեկավարի երեք տեղակալներից երկուսը կանայք են: ՊԵԿ նախագահի տեղակալներից մեկը կին է, Քաղաքաշինության կոմիտեի նախագահի տեղակալներից մեկը կին է»,–գրել է նա։
Փաշինյանի խոսքով` կանայք են ղեկավարում Քաղաքացիական ավիացիայի կոմիտեն, Սոցիալական ապահովության ծառայությունը, Զբոսաշրջության պետական կոմիտեն:
Ինչպես և պայմանավորվել էին. Նիկոլ Փաշինյանը նոր խորհրդական ունի
Ըստ նրա` այս ցանկը կարելի է շարունակել:
Հիշեցնենք, որ նախորդ կառավարության մեջ 2 կին նախարարներ կային` արդարադատության նախարար Արփինե Հովհաննիսյանը և սփյուռքի նախարար Հրանուշ Հակոբյանը։
