ԵՐԵՎԱՆ, 18 նոյեմբերի — Sputnik. Իրանում զանգվածային բողոքի ակցիաներ են մեկնարկել այն բանից հետո, երբ իշխանությունը որոշել է սահմանափակել բենզինի վաճառքն ու բարձրացնել գինը։ Վաշինգտոնն աջակցում է իրանցի ցուցարարներին։
Բողոքի ակցիաների ժամանակ իրավապահ մարմինների հետ բախումներ են եղել։ Բախումների հետևանքով երկու մարդ է մահացել։
ՌԻԱ Նովոստին հայտնում է, որ կիրակի Սպիտակ տան մամուլի քարտուղար Սթեֆանի Գրիշեմը հայտարարել է, որ ԱՄՆ–ն աջակցում է Իրանի ժողովրդին խաղաղ ցույցերի հարցում ու դատապարտում է ցուցարարների նկատմամբ ուժի կիրառումը։
Ավելի վաղ Իրանի իրադարձություններին անդրադարձել էր ԱՄՆ-ի պետդեպի խոսնակ Մորգան Օրտագուսը։ Նրա խոսքով` Վաշինգտոնը դատապարտում է ցույցերի ֆոնին ինտերնետն անջատելու Թեհրանի ձեռնարկած փորձերը։ Օրտագուսը հայտնել է նաև, որ սատարում է «իրանցի բազմաչարչար ժողովրդին»։
Սիրիայի հարցով հանդիպումը հետաձգվել է մինչև դեկտեմբերի սկիզբ
Իրանի ԱԳՆ–ում Պետդեպի դիրքորոշումը որակավորել են որպես միջամտություն երկրի ներքին գործերին։
Նշենք` ցույցերն Իրանում սկսվել են վառելիքի նոր պայմանների ներդրումից հետո։ Այդ կանոնների համաձայն` ամեն մեքենայի թույլատրվում է գնել ամսական 60 լիտր բենզին, մեկ լիտրի դիմաց վճարելով 15 000 ռիալ (0,36 դոլար)։ Յուրաքանչյուր լրացուցիչ լիտր արժենալու է 30 000 ռիալ (0,71 դոլար)։
Նախկինում վարորդներին թույլատրվում էր գնել մինչև 250 լիտր մեկ լիտրի դիմաց 10000 ռիալով (0,24 դոլար)։
Վարդանյան. «Թեհրանում դեռ հույս ունեն, որ ԱՄՆ-ն կվերանայի իր դիրքորոշումը