ԵՐԵՎԱՆ, 28 դեկտեմբերի — Sputnik. Լեհաստանում ՌԴ դեսպան Սերգեյ Անդրեևին կանչել են այդ երկրի ԱԳՆ Ռուսաստանի առաջնորդ Վլադիմիր Պուտինի կոշտ հայտարարություններից հետո: Այս մասին հայտնում է ՌԻԱ Նովոստին։
Ռուսաստանի նախագահը վերջերս պաշտպանության նախարարությունում կայացած նիստի ընթացքում նացիստական Գերմանիայում Լեհաստանի դեսպան Յուզեֆ Լիպսկուն անվանել էր «սրիկա» և «հակասեմական խոզ»։
Անդրեևը գործակալությանը հայտնել է, որ զրուցել է Լեհաստանի ԱԳՆ–ի արևելյան դեպարտամենտի տնօրենի հետ։ Ռուս դիվանագետի խոսքով՝ լեհ պաշտոնյայի հետ զրույցը կոշտ, բայց կոռեկտ է եղել, տնօրենը ներկայացրել է լեհական կողմի դիրքորոշումը, Անդրեևը՝ ռուսական կողմի։
«Զրուցել ենք Ռուսաստանի նախագահ Վլադիմիր Պուտինի` ԱՊՀ գագաթնաժողովի և ՊՆ–ի կոլեգիայի ելույթների մասին ։ Մենք ոչ մեկին թույլ չենք տա մեզ խրատներ կարդալ։ Մենք ասելիք ունենք, այդ թվում՝ պատմական քաղաքականության թեմայով», - ասել է Անդրեևը։
Պուտինի սուզվելուց առաջ Բալթիկ ծովում Երկրորդ աշխարհամարտից մնացած ականապատ դաշտ են գտել
Պուտինն անցած երեքշաբթի, ելույթ ունենալով ՌԴ ՊՆ խորհրդի ընդլայնված նիստում, «տականք ու հակասեմական խոզ» էր անվանել նացիստական Գերմանիայում Լեհաստանի դեսպան Յուզեֆ Լիպսկուն, որն աջակցում էր Ադոլֆ Հիտլերին և նրա` Լեհաստանի հրեաներին Աֆրիկա մեռնելու ուղարկելու մասին գաղափարին:
Ավելի ուշ Պետդումայի խոսնակ Վյաչեսլավ Վոլոդինը հայտարարել է, որ Լեհաստանը պետք է ներողություն խնդրի նման արտահայտությունների համար։
«Պուտինը` հայերի նախագահ». ինչո՞ւ է լրագրողը ասուլիսին ցուցանակով ներկայացել
