ԵՐԵՎԱՆ, 27 մարտի –Sputnik. Հայտնի երգիչ և երգահան Իգոր Նիկոլաևը կորոնավիրուսի ախտորոշման անալիզ է հանձնել։ Արդյունքները դեռ հայտնի չեն։
Ինչպես Instagram–ի իր էջում տեղեկացրել է նրա կինը` Յուլյա Պրոսկուրյակովան, ախտորոշման պաշտոնական պատասխանը դեռ չկա։
«Սիրելի ընկերներ, գործընկերներ և ոչ անտարբեր շատ ԶԼՄ–ներ։ Դադարե՛ք մեզ զանգել. հանգստանալու, կենտրոնանալու և ամեն ինչ իմանալու հնարավորություն տվեք։ Ամեն անհանգստացողի պատասխանելու ուժ և ժամանակ հիմա չկա, մեր ուշադրությունը կենտրոնացած է Իգորի առողջության վրա։ Իգորին մի՛ զանգահարեք, խնդրում եմ, նա հիմա հանգստի կարիք ունի և չպետք է նյարդայնանա, պետք է սպասի ախտորոշման արդյունքներին։ Մինչև պաշտոնական ախտորոշումը մենք որևէ տեղեկություն ոչ մեկին չենք տա», – գրել է նա։
Առաջնագծի զորամասերում վարակի դեպք չկա. ՊՆ խոսնակն այցելել է մեկուսացված զինվորներին
Ավելի վաղ տեղեկություն էր տարածվել, որ երաժիշտի մոտ օջախային թոքաբորբ է ախտորոշվել։ Նրա վիճակը գնահատվում է միջին ծանրության։ Արտիստը բարձր ջերմություն ունի։ Նրան տեղափոխել են Մոսկվայի Կոմունարկա ավանի հիվանդանոց։
«Մալադեց, Նիկոլ ջան». թոշակառու կինն ուրախացավ Փաշինյանի զանգից
Հիշեցնենք, որ նույն բուժկենտրոն երկկողմանի թոքաբորբով տեղափոխվել էր նաև երգիչ Լև Լեշչենկոն։ Ինչպես արդեն տեղեկացրել ենք, հետազոտությունները ցույց են տվել, որ հանրաճանաչ երգիչ Լև Լեշչենկոյի մոտ ախտորոշված թոքաբորբն առաջացել է կորոնավիրուսի պատճառով։ Նրա վիճակը գնահատվում է կայուն:
