ԵՐԵՎԱՆ, 8 ապրիլի –Sputnik. Համացանցի ռուսական տիրույթը ոգևորությամբ է ընդունել պեչենեգների (ցեղային միություն, առաջացել է անդրվոլգյան տափաստաններում վաչկատուն թյուրքերի, սարմատական և ուգրոֆիննական ցեղերի խառնուրդից) մասին Վլադիմիր Պուտինի ելույթը։ Ցանցում արդեն զվարճալի մեմեր ու կատակներ են հայտնվել։
Մարգարիտա Սիմոնյանի 6-ամյա որդին երգում է «Հայեր ջան, դուխով» երգը. տեսանյութ
«Ռոսիա սեգոդնյա» ՄՏԳ–ի և RT հեռուստաալիքի գլխավոր խմբագիր Մարգարիտա Սիմոնյանը ևս որոշել է հետ չմնալ և իր Telegram ալիքում ծիծաղելի երկխոսություն է հրապարակել.
– Քո բախտը բերել է, դու հայ ես։
– Ինչո՞ւ։
– Հաստատ գիտես, որ պեչենեգ չես։
Ավելի ուշ նա շատ ծիծաղելի կատակ է հրապարակել. «Իրականում, պեչենեգներ մեզ մոտ այսօր էլ շատ կան։ Իսկ ճգնաժամը ճիշտ ժամանակն է այդ պեչենեգներին «պեչենիներից» զրկել։ Հետո ուշ կլինի»։
Նշենք, որ ՌԴ նախագահ Վլադիմիր Պուտինը ապրիլի 8-ին մարզերի ղեկավարների հետ խորհրդակցության ժամանակ, որը հեռարձակվում էր ռուսական հեռուստաալիքներով, դիմել էր երկրի բնակիչներին։ «Թանկագին բարեկամներ։ Ամեն ինչ անցնում է, սա էլ կանցնի։ Մեր երկիրը բազմիցս է լուրջ փորձությունների միջով անցել. և՛ պեչենեգներն են խնդիրներ բերել, և՛ պոլովեցները` Ռուսաստանն ամեն ինչ հաղթահարել է։ Կհաղթենք նաև կորոնավիրուսային այս վարակը։ Միասին մենք ամեն ինչ կհաղթահարենք», – ասել է Պուտինը։
