ԵՐԵՎԱՆ, 29 հունվարի — Sputnik. Հանրապետության տարածքում հունվարի 30-ին, փետրվարի 2-ի ցերեկը՝ Լոռիում, Տավուշում, Սյունիքում և Արցախում, հունվարի 31-ին, փետրվարի 1-ին, 2-ի գիշերը՝ շրջանների զգալի մասում սպասվում է ձյուն, լեռնային շրջաններում և լեռնանցքներում‵ բուք, ցածր հորիզոնական տեսանելիություն:
Փետրվարի 3-ին սպասվում է առանց տեղումների եղանակ: Քամին կլինի հարավ-արևմտյան՝ 3-8 մ/վրկ արագությամբ: Օդի ջերմաստիճանը փետրվարի 3-ի գիշերը կնվազի 4-6 աստիճանով:
Երևանում հունվարի 30-ին, փետրվարի 2-ի ցերեկը սպասվում է ամպամածություն, տեղումների հավանականությունը փոքր է, հունվարի 31-ի ցերեկը, փետրվարի 1-ին, 2-ի գիշերը սպասվում է ձյուն: Փետրվարի 3-ին սպասվում է առանց տեղումների եղանակ:
Հունվարի 30-ի ցերեկային ժամերին մայրաքաղաքում օդի ջերմաստիճանը կկազմի —3-ից —5 աստիճան, հունվարի 31-ին, փետրվարի 1-ին և 2-ին՝ —4-ից —6, իսկ փետրվարի 3-ին՝ —2-ից —4 աստիճան:
