ԵՐԵՎԱՆ, 21 օգոստոսի – Sputnik. Քաղավիացիայի կոմիտեի թռիչքային պիտանիության վարչության պետ Վահրամ Սայադյանը հրաժարականի դիմում է ներկայացրել սեփական ցանկության համաձայն։ Այս մասին Sputnik Արմենիայի թղթակցին հայտնեցին Կոմիտեից։
Ավելի վաղ «Հրապարակ» թերթը գրել էր, որ Սայադյանը նման քայլի է դիմել Քաղավիացիայի կոմիտեի ղեկավար Տաթևիկ Ռևազյանի ոչ պրոֆեսիոնալ աշխատելաոճի պատճառով։
Ե՞րբ կբացվի Կապանի օդանավակայանը. պատասխանում է Տաթևիկ Ռևազյանը
Թերթի տվյալներով, Սայադյանը ցանկացել է հեռանալ դեռ այն օրվանից, երբ կոմիտեի ղեկավար նշանակվեց Տաթեւիկ Ռեւազյանը, սակայն նրան ամեն գնով փորձել են համոզել, որ հրաժարական չտա:
«Տաթևիկ Ռևազյանի և Վահրամ Սայադյանի միջև անձնական բնույթի խնդիրներ չեն եղել։ Նա սեփական ցանկությամբ է ազատվելու դիմում գրել», – հայտնել են Կոմիտեից։
Ի դեպ, Սայադյանն իր ոլորտում բարձրակարգ մասնագետ է համարվում։
Հայաստանում ուսում ստացած օդաչուները կարող են թռչել ամբողջ Եվրոպայով. Տաթևիկ Ռևազյան
Նշենք, որ Տաթևիկ Ռևազյանը քաղաքացիական ավիացիայի կոմիտեի նախագահ է նշանակվել ՀՀ վարչապետ Նիկոլ Փաշինյանի որոշմամբ` 2018 թ.–ի հուլիսի 10-ին։ Նա արդեն հասցրել է 11 գործուղման մեկնել և բանակցություններ վարել մի շարք խոշոր ընկերությունների հետ։
