ԵՐԵՎԱՆ, 18 սեպտեմբերի – Sputnik. Այս տարվա հոկտեմբերին Տոկիոյի ավտոսալոնում ճապոնական Mazda-ն կներկայացնի իր առաջին էլեկտրամեքենան։ Այս մասին հայտնում է motor1-ը։
Դուբայի միջազգային ավտոսրահում ցուցադրել են հանրահայտ Բոնդի մեքենաները
Էլեկտրամեքենան դեռևս չունի անվանում, իսկ նախատիպն օգտագործում է CX-30 մոդելի թափքը։ Միևնույն ժամանակ հայտնում են, որ նորույթը տվյալ «քրոսովերի» հետ ոչ մի կապ չի ունենա։
Հայտնի է, որ մեքենան կունենա 141 ձիաուժ հզորությամբ շարժիչ և հարաբերականորեն ոչ այնքան մեծ մարտկոց՝ 35,5 կՎտ/ժ հզորությամբ։ Վերջին տվյալը հուշում է, որ էլեկտրամեքենան նախևառաջ նախատեսված է քաղաքային երթևեկության համար։ Մանրամասները դեռևս հայտնի չեն։
Հիշեցնենք` Mazda ընկերության ավտոմեքենաներն այս պահի դրությամբ տարբերվում են իրենց յուրահատուկ դիզայնով, ինչպես նաև եզակի տեխնոլոգիաներով հագեցած շարժիչներով։
Անմոռուկապատ հայկական էկիպաժը՝ Moscow Raceway-ում
Տոկիոյի ավտոսալոնը կմեկնարկի այս տարվա հոկտեմբերի 24-ին և կավարտվի նոյեմբերի 4-ին։
