ԵՐԵՎԱՆ, 5 դեկտեմբերի — Sputnik. Իր աշխատասենյակից մինչև կառավարության նիստերի դահլիճ հասնելը Նիկոլ Փաշինյանը հիշել է դեռ ամիսներ առաջ Քաղաքաշինության կոմիտեի նախագահ Վահագն Վերմիշյանին տված հանձնարարություն է տվել։ Այս մասին վարչապետը հայտնեց կառավարության նիստի մեկնարկին։
«Ես չեմ հասկանում, թե ինչու է Հայաստանում շինարարություն անել նշանակում աղբ տարածել ամբողջ տարածքում։ Եվ, ընդ որում, պարոն Վերմիշյան, ես այս մասին Ձեզ հանձնարարություն եմ տվել դեռ ամիսներ առաջ։ Եվ չեմ հասկանում, թե ինչու համապատասխան տեսչությունը չի տուգանում այն շինարարներին, որոնք շինարարությունը անել ասելով հասկանում են հնարավորինս լայն շառավղով աղբ տարածելը»,– ասաց Փաշինյանը։
Վարչապետին, պարզվում է, զայրացրել էր կառավարության շենքում ընթացող վերանորոգման հետևանքով կուտակված աղբը։
«Ես չեմ հասկանում, թե ինչու եթե կառավարության շենքում մի տեղ վերանորոգում է իրականացվում, մենք բոլորս պետք է գնանք–գանք աղբի միջով` սկսած շենքից մինչև ամենահեռու տեղերը»,– նշեց նա։
Վարչապետը քաղաքաշինության տեսչությանը հիշեցրեց, որ այս առումով շատ անելիքներ կան։
Զինվորը հենակետում պետք է զգա կառավարության, ժողովրդի, hայրենիքի ներկայությունը. Փաշինյան
Հաջորդ խնդիրը, որ նշեց Փաշինյանը շինարարների հագուստն է։ «Չեմ հասկանում, թե ինչու շինարարության վրա աշխատել նշանակում է աշխատանքի գալ ամենահին շորերով։ Դա նույնն է, թե մենք կառավարության նիստին գանք ցնցոտիներով»,– ասաց նա։
Վարչապետը հանձնարարեց հետևել, որպեսզի շինարարական կազմակերպությունները համապատասխան համազգեստով ապահեվեն իրենց աշխատակիցներին։
Ս.թ. նոյեմբերի 17-ին վարչապետ Նիկոլ Փաշինյանն այցելել էր ՀՀ Կոտայքի մարզ ՝ ծանոթանալու համայնքներում իրականացվող ծրագրերին։
Հայաստանը կշարունակի մարդասիրական օգնություն ցուցաբերել Սիրիայի ժողովրդին. Փաշինյան
Այցի ընթացքում վարչապետը նկատել էր, որ շինարարները նոր ու մաքուր հագուստով են ու կռահել, որ դրանք բանվորներին են տվել իր այցի առիթով։
Նա հայտարարել էր, որ Հայաստանում պետք է վերանա այն ավանդույթը, թե բանվորի շորը նրա հին շորն է։
