ԵՐԵՎԱՆ, 9 հունվարի — Sputnik. Տոնական օրերին` դեկտեմբերի 30–ից հունվարի 7–ը, «Շտապօգնության» ծառայությունում զանգերի թիվը նախորդ տարվա համեմատ ավելացել է։ Լրագրողների հետ հանդիպման ժամանակ այս մասին հայտնեց «Շտապժօգնություն» ՓԲԸ տնօրեն Թագուհի Ստեփանյանը։
«Երևանում այս տարի տոնական օրերին ստացել ենք 8146 կանչ, որը 384–ով ավելի է նախորդ տարվա համեմատ։ Այսինքն` օրական շուրջ 900 կանչ ենք ունեցել։ Ամենաշատը հունվարի 6–ին են կանչեր գրանցվել, այդ օրը 976 կանչ ենք ունեցել։ Տոնական օրերին գրանցված կանչերի հետևանքով հոսպիտալացվել է 1657 մարդ»,–ասաց նա։
Ստեփանյանի խոսքով` ալկոհոլային և սննդային թունավորումների դեպքերն այնքան էլ շատ չեն եղել։ Մասնավորապես, ալկոհոլային թունավորման 81, իսկ սննդային թունավորման` ընդամենը 2 դեպք է գրանցվել։
Ինչպես են բժիշկներն անցկացնում տոնական օրերը, կամ մեկ օր շտապօգնության խմբի հետ. տեսանյութ
Կանչերի մեծ մասը եղել են սրտանոթային, սուր շնչառական հիվանդությունների գանգատներով։
Ինչ վերաբերում է տոնական օրը շատերի սիրելի պայթուցիկներին, ապա դրանց հետևանքով «Շտապօգնությունը» ստացել է 9 զանգ, որից 3–ի դեպքում հոսպիտալացման կարիք է եղել։ Տուժածներից մեկը երեխա է եղել։
Շտապօգնության բժիշկները հիմա ավելի քիչ են նայում հիվանդի ձեռքին. նախարար
Ինչ վերաբերում է տոնական օրերին երեխաների հետ կապված կանչերին, ապա դրանց թիվը, նախորդ տարվա համեմատ, նույնպես ավելացել է. 789 մանկական կանչ է գրանցվել, որը 134–ով ավելի է նախորդ տարի գրանցված կանչերից։
Հիշեցնենք, որ 2018-ի առաջին շաբաթում շտապօգնության կանչերի թիվը, նախորդ տարվա նույն ժամանակահատվածի համեմատ, ավելացել էր 466-ով: 2017թ. դեկտեմբերի 31-ից մինչև 2018թ. հունվարի 7-ը ներառյալ, կատարվել էր 6582 կանչ:
Թորոսյանը հայտնել է` որքան կբարձրանա Երևանի շտապօգնության աշխատակիցների աշխատավարձը
