ԵՐԵՎԱՆ, 26 Փետրվար — Sputnik. Ռուսաստանի Նախարարների կաբինետը Պետդումայի վավերացմանն է ներկայացրել ՌԴ և ՀՀ կառավարությունների միջև բնական գազի, նավթամթերքի և չմշակված բնական ալմաստի մատակարարման ոլորտում համագործակցության համաձայնագրում փոփոխություններ կատարելու մասին արձանագրությունը։ Այդ մասին հայտնում է ՌԻԱ https://ria.ru/Նովոստին` հղում անելով Պետդումայի էլեկտրոնային տվյալների բազային։
Արձանագրությունը ստորագրվել էր Մոսկվայում 2019 թվականի հոկտեմբերին։
«Արձանագրությամբ հաստատվում է, որ համաձայնագրի 1-ին հոդվածի 2-րդ կետի 1-ին և 3-րդ ենթակետերով նշված ապրանքների հայտարարագրումը և Ռուսաստանի Դաշնության տարածքից Հայաստանի Հանրապետություն արտահանումն իրականացվում է առանց ՌԴ օրենսդրությամբ հաստատված ժամանակավոր պարբերական մաքսային հայտարարագրի կիրառման (բացառությամբ մատակարարվող բնական գազի ժամանակավոր պարբերական մաքսային հայտարարագրման)»,– նշված է համապատասխան օրենքի նախագիծը պարզաբանող գրության մեջ։
«Վերին Լարսի» անցակետն ու թղթի վրա մնացած համաձայնագիրը. ե՞րբ կլուծվի բազմաչարչար խնդիրը
Բացի այդ, արձանագրության համաձայն, նշված ապրանքների համար ժամանակավոր մաքսային հայտարարագրերը, որոնցով ՌԴ–ից փաստացի արտահանումը Հայաստան տեղի չի ունեցել և որոնք ներկայացվել են կանխատեսումային մնացորդներին և 2019 թվականի արձանագրությանը համապատասխան, համարվում են ուժը կորցրած:
