ԵՐԵՎԱՆ, 27 փետրվարի — Sputnik. Իտալացի լեգենդար ֆուտբոլիստ, աշխարհի չեմպիոն Ալեսանդրո Դել Պիերոն Երևանում է: Հայաստանում լուրը տարածվեց այն բանից հետո, երբ ֆուտբոլիստը Instagram-ի իր էջի «սթորի» բաժնում տեսանյութ հրապարակեց Երևանի տեսարանով` Արարատ լեռան ֆոնին: Տեսանյութն ուղեկցվում է հետևյալ գրառմամբ. «Բարի լույս, Երևան»:
Հայաստանի ֆուտբոլի ֆեդերացիայի մամուլի ծառայությունում չգիտեն, թե ինչ նպատակով է ճանաչված ֆուտբոլիստը Հայաստան ժամանել:
Հպարտ եմ, որ հայ եմ. բացառիկ զրույց Իրանի ֆուտբոլի հավաքականի գլխավոր մարզչի օգնականի հետ
Նշենք, որ Ալեսանդրո դել Պիերոն Իտալիայի հավաքականի կազմում 2006 թվականին դարձել է աշխարհի չեմպիոն: Իտալիայի հավաքականի կազմում նա հանդես է եկել 1995-2008 թվականներին: Դել Պիերոն Իտալիայի հավաքականի բոլոր ժամանակների երրորդ ռմբարկուն է՝ 335 գոլով: Նա 19 տարի խաղացել է «Յուվենտուսում», 11 տարի եղել է թիմի ավագը և սահմանել է ռեկորդ՝ 705 խաղում խփելով 290 գոլ։
