ԵՐԵՎԱՆ, 3 ապրիլի – Sputnik. Արցախում մահացած զինծառայողը` Գարեգին Բաբակեխյանը, Կոտայքի մարզի Աբովյան քաղաքում էր ապրում։ Sputnik Արմենիայի հետ զրույցում Աբովյանի քաղաքապետ Վահագն Գևորգյանը հայտնեց, որ տղան Հադրութում էր ծառայում։
«Ապրում էր ծնողների` հոր և մոր հետ։ Բացի իրենից, տանը երկու երեխա կա, երկուսն էլ անչափահաս են։ Գարեգինն ավագ երեխան էր»,–ասաց Գևորգյանը։
Նա հայտնեց նաև, որ Գարեգինը մեկ տարվա զինծառայող էր։
Գևորգյանը նշեց` ընտանիքի հայրն աշխատանք ունի, երիտասարդ տղամարդ է` 42 տարեկան։
Հիշեցնենք` Արցախի պաշտպանության նախարարությունն այսօր հայտնեց, որ ապրիլի 3-ին՝ ժամը 00:35-ի սահմանում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում մահացել է ՊԲ զինծառայող, 2000թ. ծնված Գարեգին Կամոյի Բաբակեխյանը:
Պատժվելու են` անկախ պաշտոնից. Հարությունյանը` «էլիտար զորամասում» մահվան դեպքերի մասին
