ԵՐԵՎԱՆ, 3 ապրիլի – Sputnik. Աշխարհահռչակ հեռուստաաստղ Քիմ Քարդաշյանն իր հետևորդներին պատմել է մի հավելվածի մասին, որը դիմագծերի հիման վրա մարդուն տեղեկություն է հայտնում իր էթնիկ արմատների մասին։
Ըստ այդ հավելվածի՝ Քիմը 51%-ով հայ է, 24%-ով՝ շոտլանդացի, 15%-ով էլ՝ իռլանդացի։ Հավելվածը բավականին ճշգրիտ է որոշել Քարդաշյանի՝ գոնե հայկական արմատները․ Քիմի հայրը հայ է՝ Ռոբերտ Քարդաշյանը, նրա ծնողները նույնպես հայեր են, իսկ մոր՝ Քրիս Ջեների տոհմածառում կան անգլիացիներ, շոտլանդացիներ, գերմանացիներ, իռլանդացիներ։
Հետո Քիմը վերահրապարակել է Instagram-յան իր գրառումն այն մասին, որ Հայաստան այցելելն իր և իր ընտանիքի լավագույն ճամփորդությունն է եղել։ Հեռուստաաստղը իր գրառմանը կցել է իր և իր չորս զավակների լուսանկարները, որոնցից մեկն արված է Էջմիածնի եկեղեցում, մյուսը՝ Գառնու տաճարում։ Հետաքրքիր է, որ երկու հոգևոր տաճարներից հետո Քիմին ամենաշատը տպավորել են Հայաստանում Երևանի Հայոց ցեղասպանության թանգարան-ինստիտուտն ու Ծիծեռնակաբերդը։
Քարդաշյանների հայ դիմահարդարը պատմել է հոր և նրա հետ ունեցած բարդ հարաբերությունների մասին
«Հայոց ցեղասպանության հուշահամալիրն ու թանգարանն այցելելը կյանքիս ամենասուր, սիրտ թափանցող փորձառություններից էր։ Աչքերս բացվեցին։ Ես այնքան բան սովորեցի հայ ժողովրդի մասին», - գրել է Քիմը և իր գրառմանը հայկական դրոշ կցել։
Նա չի մոռացել նաև իրեն Հայաստանում լուսանկարած ընկերոջը՝ Ջեքի Նիքերսոնին, առանց որի հայկական այցերից հիշողությունները միայն իր գլխում կլինեին։
«Երկրի վրա ապրող հրեշտակը». Քարդաշյանի քույրը $1մլն է նվիրել COVID-19–ի դեմ պայքարի համար
«Շատ եմ սիրում Հայաստանում արված մեր ֆոտոշարքերը։ Այս նկարները հավերժ կմնան մեզ հետ ու կհիշեցնեն լավագույն պահերի մասին», - ոգևորված գրել է աստղը։
Հիշեցնենք, Քիմը երկու անգամ է եղել Հայաստանում։ 2015-ին Հայոց ցեղասպանության 100-րդ տարելիցին նա եկել էր պատմական հայրենիք ամուսնու՝ աշխարհահռչակ ռեփեր Քանյե Ուեսթի, 2 տարեկան դստեր` Նորթ Ուեսթի և քրոջ՝ Քլոե Քարդաշյանի հետ։ Երկրորդ անգամ Քիմը Հայաստան եկավ նախորդ տարի՝ 2019-ին՝ մասնակցելու WCIT 2019 համաժողովին։ Այս անգամ նրան ընկերակցել էր մյուս քույրը՝ Քորթնի Քարդաշյանը։ Երկու քույրերն իրենց հետ բերել էին բոլոր երեխաներին (Քիմը չորս զավակ ունի, Քորթնին՝ երեք), և նրանք բոլորով մկրտվեցին Էջմիածնում՝ ստանալով հայկական անուններ։
Անչափ հուզիչ էր. Քիմ Քարդաշյանի և Քանյեի դուստրը նորաձևության մրցույթում ռեփ է կարդացել
