ԵՐԵՎԱՆ, 9 ապրիլի – Sputnik. ԵՊԲՀ «Մուրացան» համալսարանական հիվանդանոցում Covid 19 վարակ ունեցող 4–ամյա փոքրիկի են վիրահատել։ Տեղեկությունը հայտնում է ԵՊԲՀ ռեկտոր, ՀՀ առողջապահության նախկին նախարար Արմեն Մուրադյանը` նշելով, որ երեխան հիվանդանոց է տեղափոխվել երեկ։
Շուրջ 3000 մարդ ներգրավված են կորոնավիրուսի դեմ պայքարում. նրանք գրեթե չեն քնում
«Դիմածնոտային վիրաբույժները շտապ ցուցումով վիրահատություն իրականացրին՝ մանկական վարակաբանի ներկայությամբ: Վիրահատությունը բարեհաջող ավարտվեց։ Փոքրիկի վիճակը կայուն է, ներկա պահին գտնվում է բժիշկների հսկողության ներքո, ի դեպ արդեն ժպտում է»,– Facebook–իր էջում գրել է նա։
Մուրադյանը շնորհակալություն է հայտնել բուժանձնակազմին, հրապարակել նրանց լուսանկարը, իսկ քաղաքացիներին էլ հորդորել է մնալ տանը, որպեսզի օգնեն բժիշկներին։
Հիշեցնենք` ապրիլի 8-ի տվյալով` Հայաստանում կորոնավիրուսով վարակվածների թիվը հասել է 881-ի։
