ԵՐԵՎԱՆ, 20 սեպտեմբերի — Sputnik. Ծանրամարտի աշխարհի առաջնության տղամարդկանց մրցումներում հայ ծանրամարտիկները կպայքարեն 81 կգ քաշային կարգից սկսած, իսկ կանանց մրցումներում` մեր երկու ներկայացուցիչներից առաջինը մրցահարթակ դուրս կգա Իզաբելլա Յալյանը` 59 կգ քաշային կարգում:
Հայաստանի հավաքականի բոլոր ծանրորդներն էլ հավակնում են բարձր տեղեր զբաղեցնել: Հավաքականի ընտրանու կազմում մրցավայր են մեկնել աշխարհի գործող չեմպիոն՝ Սիմոն Մարտիրոսյանը, օլիմպիական խաղերի արծաթե մեդալակիր Գոռ Մինասյանը և աշխարհի ու Եվրոպայի առաջնություններում բազմաթիվ մեդալներ վաստակած Անդրանիկ Կարապետյանը, Հակոբ Մկրտչկանը, Դավիթ Հովհաննիսյանն ու Ռուբեն Ալեքսանյանը:
Ստորև ներկայացնում ենք մեր հավաքականի ծանրորդների ելույթների ժամանակացույցը՝ Երևանի ժամանակով։
- Իզաբելլա Յայլյան (59 կգ, B ենթախումբ)- սեպտեմբերի 21, ժամը 09:00-ին:
- Տաթև Հակոբյան (87 կգ, A ենթախումբ)- սեպտեմբերի 25, ժամը 15:00-ին:
- Անդրանիկ Կարապետյան (81 կգ, A ենթախումբ)- սեպտեմբերի 22, ժամը 15:00-ին։
- Հակոբ Մկրտչյան, Դավիթ Հովհաննիսյան (89 կգ, A ենթախումբ)- սեպտեմբերի 23, ժամը 17:30-ին։
- Սամվել Գասպարյան (102 կգ, A ենթախումբ)-սեպտեմբերի 25, ժամը 17:30-ին:
- Սիմոն Մարտիրոսյան (109 կգ, A ենթախումբ)- սեպտեմբերի 26, ժամը 15:00-ին։
- Գոռ Մինասյան, Ռուբեն Ալեքսանյան (+109 կգ)- սեպտեմբերի 27, ժամը 13:00-ին:
Նշենք, որ Ծանրամարտի աշխարհի առաջնությունը մեկնարկել է սեպտեմբերի 18-ին։
