ԵՐԵՎԱՆ, 14 օգոստոսի – Sputnik. Ավստրալիայում կետը Սիդնեյի ձկնորսներին «խնդրել է», որ իր երախից հանեն պլաստիկե տոպրակը։ Փրկարարական գործողությունը կարելի է դիտել տեսանյութում։
Ձկնորսները որսի ժամանակ տեսել են, որ հսկայական կետը դուրս է լողացել նավակի մոտ և փորձել է գրավել մարդկանց ուշադրությունը։
Կետը շրջանցել է նավակը, մի փոքր հրել այն և գլուխը դուրս հանել մարդկանց ուղղությամբ։ Եվ միայն այդ ժամանակ են ձկնորսները հասկացել, թե ինչ է «ասում» կետը. նրանք կենդանու երախում պլաստիկե տոպրակ են նկատել։
Նրանցից մեկը բռնել է կետին խանգարող տոպրակը և հանել նրա երախից։ Կենդանին յուրահատուկ ժեստով շնորհակալություն է հայտնել ձկնորսներին. նա լողացել է մոտակայքում և լողակներով հարվածել ջրին` ուրախանալով, որ իրեն օգնել են։-0-
