Թայվանում տեղի ունեցած ուժեղ երկրաշարժի հետևանքով երեք տասնյակից ավելի մարդ է մահացել, հարյուրավոր մարդիկ տուժել են։ Փրկարարները փորձում են փրկել փլատակների տակ գտնվող ևս 120 մարդու։
Թայվանում տեղի ունեցած երկրաշարժի զոհ է դարձել 34 մարդ, ևս 515 մարդ վնասվածքներ է ստացել։ Այս մասին փետրվարի 7-ին հայտնել է Թայվանի կենտրոնական տեղեկատվական գործակալությունը (CNA)։
Փրկարարները փորձում են փրկել փլատակների տակ գտնվող ևս 120 մարդու։ Գործողություններին մասնակցում է ավելի քան 600 փրկարար։
ԱՄՆ-ի երկրաբանական ծառայության (USGS) տվյալով` Թայվան կղզու հարավային մասում ուրբաթ օրը 6.4 մագնիտուդով երկրաշարժ է գրանցվել (սկզբնական տվյալով՝ 6.7): Ցնցումներ են գրանցվել նաև շաբաթ օրը տեղի ժամանակով ժամը 3:57-ին (Երևանի ժամանակով՝ ուրբաթ, 23.57) Յույցզին (Yujing) քաղաքից 25 կմ հարավ: Օջախը գտնվում է 10 կմ խորության վրա: Երկրաշարժից ամենաշատը տուժել է Թայնան քաղաքը։
