ՍԴ–ի շուրջ ստեղծված ճգնաժամն արհեստական օրակարգ է. Գոհար Մելոյան

Պառլամենտարիզմի զարգացման միջազգային կենտրոնի գործադիր տնօրեն, սահմանադրագետ Գոհար Մելոյանը կարծում է, որ հանրաքվե անցկացնելու մասին իրավական ակտերը, տվյալ դեպքում ԱԺ որոշումը, ընդունվեցին սև ու սպիտակի վրա հստակորեն ամրագրված Սահմանադրական նորմերի խախտմամբ։

«Մենք` նախաձեռնող խմբի անդամներս, չենք ժխտում այն հիմնավորումը, որ գործընթացի սահմանադրականությունն է խնդրահարույց, որովհետև գործ ունենք հակաիրավական գործընթացի հետ։ ՍԴ–ի շուրջ ստեղծված այսպես կոչված ճգնաժամն արհեստական օրակարգ է։ Ի սկզբանե հանրաքվե անցկացնելու մասին իրավական ակտերը, տվյալ դեպքում ԱԺ որոշումը, ընդունվեցին սև ու սպիտակի վրա հստակորեն ամրագրված Սահմանադրության նորմերի խախտմամբ։ Դա զուտ իրավագետների մեկնաբանության խնդիր չէ միայն»,– ասաց նա։

ՀՀԿ–ն չի մասնակցի սահմանադրական հանրաքվեի քարոզարշավին

Մելոյանի խոսքով` իրենք որևէ կերպ չեն մտնելու քաղաքական դիսկուրսի մեջ «Այո»-ի հետ, այլ լինելով մասնագիտական համայնքի ներկայացուցիչներ` իրականացնելու են մասնագիտական գործունեություն, այն է`վերահսկելու են ամբողջ գործընթացը, որպեսզի ընտրախախտումները կանխեն և դրանց տեղի ունենալու դեպքում` բողոքարկեն։

«Ոչ» խմբի ձևավորման նպատակն է նաև հարթակ տրամադրել այն քաղաքացիական խմբերին ու կազմակերպություններին, որոնք կցանկանան իրականացնել «Ոչ»–ի քարոզչություն, բայց կարևոր է, որ նրանք հանդես գան տոլերանտության սահմաններում։

Նշենք, որ Արցախի մարդու իրավունքների նախկին պաշտպան Ռուբեն Մելիքյանի գլխավորությամբ սահմանադրական փոփոխությունների հանրաքվեի «Ոչ»–ի ճամբար ստեղծելու փաստաթղթերն արդեն ներկայացվել են Կենտրոնական ընտրական հանձնաժողով։

«Քաղաքական շահը թույլ չի տալիս համախմբվել մեկ տանիքի տակ». Քեռյանը` «ոչ»–ի շտաբի մասին