Ռուսաստանի օդատիեզերական ուժերի ԻԼ- 76 տասնչորս ինքնաթիռ մեկնել են Իտալիա՝ կորոնավիրուսի դեմ պայքարում օգնություն ցուցաբերելու համար։
Ինչպես հաղորդում է Sputnik Մոլդովան, ինքնաթիռները թռիչքն իրականացրել են Մոսկովյան շրջանի Չկալովսկի օդանավակայանից։ Դրանցում Ռուսաստանը բեռնել է անհրաժեշտ սարքավորումներ և դեղամիջոցներ վարակի արագ տարածման դեմ պայքարի համար։
Իտալացի գործընկերներին օգնության են շտապել նաև ռուս վիրուսաբաններն ու համաճարակաբանները։ Պրոֆիլակտիկ և ախտահանիչ միջոցառումների անցկացման շրջաններն իտալական կողմի հետ համաձայնեցնելուց հետո մասնագետներն աշխատանքի կանցնեն։
ՀՀ քաղաքացիները կարող են Բելառուսով հայրենիք վերադառնալ․ դեսպան
Իտալիայի արտաքին քաղաքական գերատեսչության ղեկավարն անձամբ է դիմավորել մայրաքաղաք Հռոմում վայրէջք կատարած առաջին ինքնաթիռները։ Իտալիայի բնակիչները սոցցանցերում ուրախությամբ և հուզմունքով են արձագանքել Մոսկվայից ուղարկված օգնությանը։
Նշենք, որ Իտալիան կորոնավիրուսի հետևանքով ամենից շատ տուժած եվրոպական երկիրն է։ Վարակվածների թիվն անցնում է 60 հազարը, երկրում կորոնավիրուսի հետևանքով արդեն ավելի քան 6000 մահվան դեպք է գրանցվել։
Նոր մեկուսարանը գրեթե պատրաստ է. «Տա Աստված, այսպես դատարկ էլ մնա․․․»
