ՌԴ արտգործնախարար Սերգեյ Լավրովը հայտարարել է, որ Ռուսաստանը կորոնավիրուսի դեմ պայքարելու հարցում ոչ մի արտասահմանյան գործընկերոջ խնդրանք անուշադրության չի մատնի։ Նոր հիվանդության տարածման ամենասկզբից Մոսկվան ակտիվորեն օգնում է իր հարևաններին և ոչ միայն նրանց։ Ռուսաստանից մեկնած մասնագետներն աշխատում են Իտալիայում, իսկ պաշտպանիչ միջոցներ ու ռուսական բժշկական սարքավորումներ են առաքվել ԱՄՆ և Սերբիա։
Բժիշկները հայտնել են կորոնավիրուսի անսովոր ախտանիշի մասին. թիրախում նաև դեռահասներն են
«ԱՊՀ բոլոր երկրներին օգնություն է հատկացվում թեստ-համակարգերի, շնչառական սարքերի և մի շարք այլ բաների տեսքով։ Աբխազիան և Հարավային Օսեթիան նույնպես աջակցություն են ստանում։ Հիմա այդ երկրներից մի քանիսից լրացուցիչ դիմումներ են ստացվել, դրանք բոլորն ուսումնասիրվում են։ Ոչ մի դիմում, լինի այն ԱՊՀ որևէ երկրից, թե Աբխազիայից կամ Հարավային Օսեթիայից, անուշադրության չի մատնվի»,-ասել է Լավրովը:
Նշենք, որ կորոնավիրուսի տարածման սկզբից Ռուսաստանն օգնում է ԱՊՀ–ի և մերձավոր արտերկրի բազմաթիվ երկրների։
COVID-19-ի ախտորոշման հազարավոր թեստ-համակարգեր են փոխանցվել Բելառուսին, Ղազախստանին, Ղրղզստանին, Մոլդովային և Տաջիկստանին:
Հայաստանը երկու ինքնաթիռ բժշկական պարագաներ է ստացել Ռուսաստանից: Դրանից բացի, Հայաստան է բերվել նաև կորոնավիրուսի արագ ախտորոշման լաբորատորիա, որն արդեն բացազատվել և աշխատում է:
Հիշեցնենք՝ Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։
Ինչպես է Հայաստանում աշխատում ռուսական լաբորատորիան. լուսանկարներ
