Երևանում ժամը 21։00-ից սկսած՝ երբ Երևանում սկսեցին ղողանջել բոլոր եկեղեցիների զանգերը, երևանցիները միասնաբար մարեցին իրենց բնակարանների լույսերն ու իրենց բաժին ճրագը՝ ի նշան Հայոց ցեղասպանության զոհերի ոգեկոչման դուրս էին բերել պատուհաններից։
Ահա այս յուրօրինակ ձևով է այսօր հայ ժողովուրդ հարգանքի տուրք մատուցում Մեծ Եղեռնի զոհերի հիշատակին, քանի որ կորոնավիրուսի համավարակով պայմանավորված Ծիծեռնակաբերդի հուշահամալիրի մուտքը փակ է։
Վաղն առավոտից Հայաստանում և Արցախում բնակվող մեր հայրենակիցները կարող են 1915 կարճ համարին ուղարկել sms հաղորդագրություն և երեկոյան Ծիծեռնակաբերդի սյուներին լուսապատկերի միջոցով տեսնել իրենց անուն-ազգանունները, ապահովելով իրենց խորհրդանշական մասնակցությունը։ Իսկ սփյուռքի մեր հայրենակիցները կարող են իրենց անուն- ազգանունները ուղարկել 0037433191500 հեռախոսահամարին։ Մեկ հաղորդագրության արժեքը կլինի 1 դրամ։
Հիշեցնենք, որ վաղը Ծիծեռնակաբերրդում 11 ժամ տևողությամբ համերգային ծրագիր կլինի, որի ընթացքում նախատեսված է մոտ 60 ելույթ, շուրջ 160 մասնակիցների կատարումներով։
Խստորեն պահպանվելու են անվտանգության կանոները։ Մասնակիցները միարժամանակ չեն լինելու Ծիծառնակաբերդում, այլ փոխարինելու են միմյանց․ կլինեն առավելագույնը 5 անձ ՝ բացօթյա միջավայրում։
Ելույթ կունենան Սիմֆոնիկ, Ֆիլհարմոնիկ նվագախմբերը, Կամերային երաժշտության ազգային կենտրոնն իր երգչախմբերով և նվագախմբերով, լարային քառյակներ, ճանաչված օպրերային երգիչներ և այլք։
Այլևս ցեղասպանություն թույլ չենք տա․ ՀՀԿ գրասենյակը ուղերձ է հղել ապրիլի 24-ի առնչությամբ
Ամբողջ ծրագիրը լինելու է բազմաժանր՝ սկսած ժողովրդական երգ-երաժշտությունից մինչև միջնադարյան երաժշտության ջազային մշակում։
Ապրիլի 24-ին, ժամը 10–ին կմեկնարկեն վարչապետի, նախագահի, կաթողիկոսի այցերը հուշահամալիր։