ԵՐԵՎԱՆ, 19 օգոստոսի–Sputnik. Ի՞նչ սմարթֆոններ են նախընտրում հայտնիները. նման հարցադրումը և այդ թեմային նվիրված նյութերը բազմաթիվ են համաշարհային սարդոստայնում։ Չէ՞ որ հայտնի դեմքի ձեռքին հայտնված սարքը նաև յուրօրինակ գովազդ է տվյալ ապրանքանիշի համար։ Ամենավառ օրինակը, անշուշտ, «Օսկար-2014» մրցանակաբաշխության ժամանակ Galaxy Smartphone-ով արված հայտնի սելֆին է, որը Samsung-ի հիանալի գովազդ դարձավ:
Samsung
Շարունակելով Samsung-ի թեման` հարկ է հիշել Samsung ընկերության «Սպիտակ ձեռնոց» օպերացիան, որի ընթացքում հայտնիներից մեկի տանը կազմակերպված երեկույթի ժամանակ Samsung-ի ներկայացուցիչը ցուցադրում է ընկերության արտադրանքը և հյուրերին անվճար բաժանում ցուցադրվածի անհատական օրինակները` տանը նայելու և ինքնուրույն կարծիք կազմելու համար: Եթե հյուրերից մեկը հավանում է արտադրանքը, նրան ևս խնդրում են կազմակերպել նմանատիպ գովազդային երեկույթ։
Ամերիկացի հայտնի կինոպրոդյուսեր և սոցիալական ցանցերի տեր Դանա Բրյունետիին անվճար Galaxy S3 է առաջարկվել նման ակցիաներից մեկի ժամանակ է: Նա, ընդունելով նվերը, ասել է, որ ճաշկերույթի ավարտից հետո կվերադառնա իր iPhone-ին: Այդուհանդրեձ, նա օգտագործել է Galaxy S3-ը մեկ ամիս` իր iPhone-ի հետ միասին: Մեկ ամիս անց, սակայն, փոխել է իր iPad-ը Galaxy Tab-ով ու ինքն է կազմակերպել Samsung-երեկույթ: Հետաքրքիր է Բրյունետիի անկեղծ խոստովանությունը, որ մարդիկ, հատկապես հայտնիները, սիրում են անվճար իրեր:
«Մենք վերջինն ենք, ովքեր կարիք ունեն անվճար ինչ-որ բանի, սակայն դա խելացի է: Հակառակ դեպքում մենք ուղղակի չէինք գնի դրանք», – նշել է Բրյունետին։
Ամերիկացի ռեփեր, ձայնագրման պրոդյուսեր և ձեռնարկատեր Ջեյ Զին ոչ միայն դարձել է Samsung-ի օգտատեր, այլև ավարտին է մոտենում նրա «Magna Carta Holy Grail» ալբոմը` հատուկ Samsung սարքեր ունեցողների համար:
Պապարացիները ֆիքսել են նաև, թե ինչպես է ամերիկացի երգչուհի, դերասանուհի ու կոմպոզիտոր Բեյոնսեն հեռախոսով խաղում Samsung-ի իր ընկերների հետ։
«The Saturdays» անգլաիռլանդական աղջիկների խումբը, ամերիկացի երգչուհի, դերասանուհի, պարուհի և հեռուստահաղորդավարուհի Նիկոլ Սչելզինգերը նույնպես հայտնվել են սոցիալական մամուլի էջերում Samsung Galaxy S3-ով: Բրիտանացի գրող և հեռուստահաղորդավար Բիար Գրիլսն օգտագործում է Samsung Galaxy S4: Աշխարհահռչակ գրող, վիպասան Ջոան Ռոուլինգը ևս Samsung Galaxy Note 3 օգտատերերի շարքում է:
iPhone
iPhone նախընտրողներից են սելֆիի հայտնի սիրահար, երգչուհի, դերասանուհի և ոճաբան Ռիհաննան, ռեալիթի շոուի աստղ և սելֆիի ոչ պակաս սիրահար Քիմ Քարդաշյանն ու ռեփեր, երգահան, ձայնագրման պրոդյուսեր և ոճաբան, Քիմի ամուսին Քանյե Ուեսթը, ամերիկացի դերասանուհի, մոդել և երգչուհի Լինդսի Լոհանը, երգչուհի Մայլի Սայրուսը, դերասան և կինոպրոդյուսեր Սամուել Ջաքսոնը, կանադացի երգիչ, երգահան և, իհարկե, ամենահայտնի առանց վերնազգեստ սելֆիի սիրահար Ջասթին Բիբերը:
Համաշխարհային ֆուտբոլի աստղ Դևիդ Բեքհեմը ժամանակին ակտիվորեն քարոզում էր գնել Samsung Galaxy Note։ Սակայն Բրազիլիայում անցկացված աշխարհի վերջին առաջնության ժամանակ աշխարհի ամենագլամուրային ֆուտբոլիստին, համատեղության կարգով նաև Վիկտորյա Բեքհեմի ամուսնուն տեսել էին Apple Iphone 5S–ով ինչ-որ բան նկարահանելիս։
Ֆուտբոլի աշխարհի ամենահայտնի դեմքերից «խնձորային» արտադրանքի երկրպագուներ են նաև գերմանացի կիսապաշտպան Մարիո Գյոտցեն և բրազիլացի Նեյմարը։
iPhone–ի երկրպագու է նաև Առնոլդ Շվարցնեգերը, չէ՞ որ տերմինատորը պետք է «գլուխ հանի» նման հարցերում։ Հոլիվուդյան աստղերից iPhone են նախընտրում նաև Դենի դե Վիտոն, Դեմի Մուրը, Թեյլոր Սվիֆթը, Չարլի Շինը, Ջոն Կյուսակը, Բրեդ Պիտը։ Աստղային շարքը համալրում են նաև Playboy-ի հիմնադիր Հյու Հեֆները, բասկետբոլիստներ Շակիլ Օ’Նիլն ու Դուայթ Հովարդը։
Lenovo
Իսկ ահա հայտնի դերասան Էշթոն Քաթչերն արդեն մի քանի տարի նախընտրում է Lenovo ապրանքնանիշը: Եվ ոչ միայն նախընտրում է, այլև դարձել է Lenovo ընկերության աշխատակից` ակտիվորեն մասնակցելով պլանշետների արտաքին տեսքի մշակման աշխատանքներին:
LG
Այս ապրանքանիշի սիրահարներից հայտնի է ամերիկացի դերասան, կինոարտադրող Էդվարդ Նորթոնը, որն օգտագործում է LG Prada 3.0 հեռախոսը:
Blackberry
Ամերիկացի երգչուհի, երգահան, ձայնագրման պրոդյուսեր և դերասանուհի Ալիսա Քեյսը, ով Blackberry ապրանքանիշի մոլի երկրպագու է, իր երկրպագուներին խնդրել է կիսվել Blackberry հեռախոսներով արված սելֆիներով` դրանք իր համերգային շրջագայության երաժշտական հոլովակներում ներառելու համար:
Ամերիկացի դերասանուհիներ Քրիստինա Ռիչիին, Ռեյչել Բիլսոնին և Քլոե Մորեցիին տեսել են Blackberry Z10-ով: Ամերիկացի եռգչուհի, երգահան և դերասանուհի Լեդի Գագայի վերջին ընտրությունը ևս կանգ է առել Blackberry ապրանքնանիշի վրա:
ԱՄՆ նախագահ Բարաք Օբաման ևս Blackberry ապրանքանիշի մեծ երկրպագու է:
Հարցազրույցներից մեկի ժամանակ ԱՄՆ նախագահը նշել էր, որ իրեն թույլ չեն տալիս օգտագործել iPhone, քանի որ այն բավարար չափով պաշտպանված չէ։ Մեծ մասամբ Blackberry–ի պաշտպանվածության աստիճանով է բացատրվում Բարաք Օբամայի «սերը» այս սմարթֆոնի նկատմամբ։ Օբաման թարմացրել է սմարթֆոնների իր հավաքածուն և այժմ օգտագործում է BlackBerry Curve 8900–ն, որը ԱՄՆ կառավարության կողմից հաստատված միակ բջջային հեռախոսն է։
2000–ականների դեռահասների կուռք Բրիթնի Սփիրսը ևս նախընտրում է Blackberry։
Blackberry–ի հավատարիմ երկրպագուներից է նաև Քեմերոն Դիասը։
