Ոսկե գնդակը` Լիոնել Մեսսիի ոտքի տակ

ԵՐԵՎԱՆ, 11 հունվարի — Sputnik. ՖԻՖԱ-ի վարկածով 2015 թվականի լավագույն ֆուտբոլիստ է ճանաչվել Լիոնել Մեսսին։

Այս պարգևին Մեսսին արժանանում է արդեն հինգերորդ անգամ։ Մրցանակի համար Մեսսիի հետ պայքարում էին Քրիշտիանու Ռոնալդուն («Ռեալ», Պորտուգալիայի հավաքական) ու Նեյմարը («Բարսելոնա», Բրազիլիայի հավաքական)։

2015 թվականի ՖԻՖԱ-ի լավագույն մարզիչ է ճանաչվել «Բարսելոնայի» գլխավոր մարզիչ Լուիս Էնրիկեն։

Հայտարարվել է նաև տարվա խորհրդանշական հավաքականի կազմը։

Դարպասապահ. Մանուել Նոյեր («Բավարիա», Գերմանիայի հավաքական)

Պաշտպաններ. Տիագո Սիլվա (ՊՍԺ, Բրազիլիայի հավաքական), Մարսելո («Ռեալ», Բրազիլիայի հավաքական), Սերխիո Ռամոս («Ռեալ», Իսպանիայի հավաքական), Դանի Ալվես («Բարսելոնա», Բրազիլիայի հավաքական):

Կիսապաշտպաններ. Անդրես Ինյեստա («Բարսելոնա», Իսպանիայի հավաքական), Լուկա Մոդրիչ («Ռեալ», Խորվաթիայի հավաքական), Պոլ Պոգբա («Յուվենտուս», Ֆրանսիայի հավաքական)։

Հարձակվողներ. Նեյմար («Բարսելոնա», Բրազիլիայի հավաքական), Լիոնել Մեսսի («Բարսելոնա», Արգենտինայի հավաքական), Քրիշտիանու Ռոնալդու («Ռեալ», Պորտուգալիայի հավաքական)։