ԵՐԵՎԱՆ, 19 մայիսի- Sputnik. EgyptAir ավիաընկերության Airbus A320 ինքնաթիռի ընկնելու մասին լուրը հայտնում է ՌԻԱ Նովոստին՝ հղում անելով Ֆրաս Պրեսս գործակալությանը:
«EgyptAir-ի ինքնաթիռը կործանվել է հունական Կարպատոս կղզու մոտ՝ Եգիպտոսի օդային տարածքում»,- նշված է գործակալության հաղորագրությունում:
Ավելի վաղ Եգիպտոսի վարչապետը հայտարարել էր, որ չի բացառում ահաբեկչության վարկածը:
Եգիպտական EgyptAir ավիաընկերությանը պատկանող Փարիզ-Կահիրե չվերթն իրականացնող ինքնաթիռը ռադարների տեսադաշտից անհետացել է հինգշաբթի առավոտյան: MS804 օդանավում 66 հոգի է եղել: Ինքնաթիռը Շառլ դե Գոլ օդանավակայանից մեկնել է Փարիզի ժամանակով 23:09-ին և պետք է Կահիրե ժամաներ տեղի ժամանակով 3:05-ին: Սակայն Կահիրեի ժամանակով 2:45-ին անհետացել է ռադարներից, երբ արդեն գտնվելիս է եղել Եգիպտոսի օդային տարածքում՝ Միջերկրական ծովի վրա:
