ԵՐԵՎԱՆ, 8 դեկտեմբերի — Sputnik. Տրաբզոնի ժանդարմերիայի հետախուզության նախկին ղեկավար փոխգնդապետ Մեթին Յիլդիզը հայտնել էր, որ իշխանությունները գիտեին Հրանտ Դինքի դեմ ծրագրվող դավադրություն մասին նրան սպանելուց վեց ամիս առաջ։
Հայտարարությունն արվել է դեկտեմբերի 5-ին Դինքի գործով լսումների ժամանակ, հայտնում է Hurriyet-ը։
«Մենք Ջոշկուն Միգիից լսել էինք, որ [Յասին] Հայալը ծրագրում էր Հրանտ Դինքի սպանությունը», — ասել է բանտարկյալ Մետին Յիլդիզը Ստամբուլի բարձրագույն քրեական դատարանի նիստում։
Նրա խոսքով` նա այդ մասին հայտնել է իր ղեկավարին` Տրաբզոնի ժանդարմերիայի պետ Ալի Օզին, որն ավելի ուշ հայտնել էր, որ «չի հիշում» այդ մասին։
«Ես մեղավոր եմ, որ այն ժամանակ անձնակազմին չէի հրահանգում գրի առնել նման հաղորդումները», — ասել է Օզը։
Հրանտ Դինքը սպանվել է 2007թ.-ի հունվարի 19-ին` Ստամբուլի Շիշլի թաղամասում գտնվող «Ակոս» թերթի խմբագրատան առջև` 16-ամյա թուրք ազգայնական Օգյուն Սամասթի կրակոցից: Հրանտ Դինքի սպանության վերաբերյալ դատավարությունը ձգվում է արդեն 10 տարի և դեռևս չի գտել իր հանգուցալուծումը:
