ԵՐԵՎԱՆ, 10 օգոստոսի – Sputnik. Ամերիկյան բանտում կյանքին վերջ է տվել 66-ամյա միլիարդատեր Ջեֆրի Էփշտեյնը, որին մեղադրում էին անչափահասների սեռական շահագործման համար։ Այս մասին հայտնում է АВС հեռուստաընկերությունը։
«Ֆինանսիստ Ջեֆրի Էփշտեյնն ինքնասպան է եղել Ներքին Մանհեթենի դաշնային բանտի իր խցում, որտեղ նա սպասում էր դատավարությանը։ Այս մասին հայտնում են իրավապահ մարմինների երեք աշխատակիցները», - նշում է հեռուստաընկերությունը։
BREAKING: Disgraced financier Jeffrey Epstein committed suicide overnight in his Lower Manhattan jail cell – the federal lockup where he had been held pending trial on federal sex trafficking charges, three law enforcement officials told @ABC News. https://t.co/h0xLCqIEbT
— ABC News (@ABC) 10 августа 2019 г.
Ֆինանսիստին կալանավորել էին մարդկանց վաճառելու ու պոտենցիալ վկաներին կաշառելու մեղադրանքով։ Քննության վարկածով` 2000-ականների սկզբին ֆինանսիստն իր մոտ է հրավիրել երիտասարդ աղջիկներին (ամենափոքրը` 14 տարեկան) ու վճարել սեռական ծառայությունների համար։
Նրան սեռական շահագործման նպատակով անչափահասների առևտրի մեղադրանք էր ներկայացվել, որի համար մինչև 40 տարվա ազատազրկում էր սպառնում, իսկ վաճառքի մեջ ներգրավելու նպատակով պայմանավորվածություն ձեռք բերելու համար՝ մինչև հինգ տարվա ազատազրկում։
Աստղային երեխաները և կայսրությունների տերերը ըստ Forbes-ի միլիարդատերների ցուցակի
Նոր մեղադրանքները հանգեցրել էին նոր սկանդալի, որից հետո հրաժարական էր տվել ԱՄՆ-ի աշխատանքի նախարար Ալեքս Ակոսթը։ Նա, որպես դատախազ, 2008 թվականին զբաղվում էր Էփշտեյնի գործի քննությամբ և թույլ էր տվել, որ ֆինանսիստը «գլուխն ազատի» 13 ամսվա ազատազրկմամբ, թեև նրան ցմահ ազատազրկում էր սպառնում։ Առաջին ժամկետից հետո` 2019 թվականի հուլիսին, Էփշտեյնի դեմ երկրորդ անգամ գործ հարուցվեց։
Կարոլին Ռաֆայելյանը ներառվել է Forbes-ի 2019թ-ի միլիարդատերերի ցուցակում
