ԵՐԵՎԱՆ, 16 Օգոստոս — Sputnik. Քեյթ Միդլթոնի և արքայազն Ուիլյամի երեխաների` 6 տարեկան Ջորջի և 4 տարեկան Շառլոտայի, հանգիստը կազմակերպելը դժվար է խիստ կանոնների և անվտանգության հարցերի պատճառով։ Բրիտանական տաբլոիդների տվյալներով` ժառանգները հաճախ մոր հետ «գաղտնի վայրում» են լինում` Լոնդոնի կենտրոնում գտնվող փակ ակումբում։
Ինչպես և ցանկացած ծնող, Քեյթ Միդլթոնը շատ է մտահոգվում իր երեխաների հանգստի համար։ Թագուհու ծոռներին խստորեն պահպանում են անվտանգության ծառայության լավագույն աշխատակիցները, ինչի պատճառով փոքրիկները չեն կարողանում ժամանակ անցկացնել զբոսայգիներում և մանկական զվարճանքի կենտրոններում։ Սակայն դա դքսուհուն չի խանգարում իրավիճակից ելք գտնել։
Վերջերս պարզ է դարձել, թե ինչպես են Քեմբրիջի դքսերի ժառանգները` արքայազն Ջորջը, արքայադուստր Շառլոտան և փոքրիկ Լուին, անցկացնում ամառը։ Աղբյուրի համաձայն` հնարամիտ Միդլթոնը երեխաների հետ այցելում է Լոնդոնի կենտրոնում գտնվող Hurlingham մասնավոր ակումբը, և այդ հասարակության մեջ «կողքից» մարդիկ հայտնվել պարզապես չեն կարող։
Համալիրը Քենսինգթոնյան պալատից կես ժամվա հեռավորության վրա է և արտաքինից հին առանձնատուն է հիշեցնում։ «Գաղտնի վայրը» հայտնի է որպես սպորտային հաստատություն։ Այստեղ կարելի է կրիկետ, գոլֆ, թենիս և բոուլինգ խաղալ։
Եվ քանի դեռ ավագ երեխաները թենիսի են պարապում, դքսուհին կրտսեր որդու հետ ժամանակ է անցկացնում խաղահրապարակում։ Այս ամենն առանձնակի ոգեշնչում է արքայազն Ջորջին. փոքրիկը հիանում է խաղով և նույնիսկ իրեն թենիսիստ Ռոջեր Ֆեդերերի երկրպագուն է անվանում։
Մեգան Մարքլն ու արքայազն Հարին աֆրիկացի երեխա կորդեգրեն
Դքսերի ժառանգները նաև շատ են սիրում տեղի խաղահրապարակը. նրանց տնօրինության տակ են գտնվում ջրային ատրակցիոնները և «արկածների» գոտին։ Իսկ ակտիվ հանգստից հետո արքայական անձինք ճաշում են կամ թեյ խմում ակումբում և իրենց պահում այնպես, ինչպես «ցանկացած նորմալ ընտանիք»։
Սպասվում է, որ շուտով Քեյթ Միդլթոնն ու արքայազն Ուիլյամը երեխաների հետ կայցելեն շոտլանդական Բալմորալ ամրոցը, որտեղ այս պահին իր հանգիստն է անցկացնում թագուհի Ելիզավետան։
