ԵՐԵՎԱՆ, 10 մայիսի – Sputnik․ ԱՄՆ նախագահ Դոնալդ Թրամփն ընդունել է Երկրորդ համաշխարհային պատերազմի վետերաններին։ Վաշինգտոնի հուշարձանի մոտ նրանք միասին հարգանքի տուրք են մատուցել ընկած մարտիկների հիշատակին։ Ինչպես նշվում է Twitter-ում Սպիտակ տան պաշտոնական միկրոբլոգում՝ Վաշինգտոն է ժամանել նաև 97-ամյա Գրեգորի Մելիքյանը։
Great American heroes joined President @realDonaldTrump at the World War II Memorial to honor VE Day, including Gregory Melikian, 97—"who sent the coded message to the world that the Germans had unconditionally surrendered." https://t.co/GM9AA2hZJ8
— The White House (@WhiteHouse) May 8, 2020
Նշենք, որ Մելիքյանը եղել է այն ռադիոօպերատորը, որը մայիսի 8-ին Գերմանիայի կապիտուլյացիայի մասին հաղորդագրությունը Բեռլինից ամերիկյան զորքերի շտաբ է փոխանցել։ Գերմանիայի անվերապահ կապիտուլյացիայի ակտի ստորագրման արարողությանը երեք ամերիկացի ռադիստ են ներկա եղել, բայց գեներեալ Դուայթ Էյզենհաուրերն ընտրել է ամենաերիտասարդին՝ Մելիքյանին, որպեսզի պատմական իրադարձության անմիջական վկան կարողանա հնարավորինս երկար ժամանակ այդ մասին պատմել սերունդներին։ Մելիքյանը 20 տարեկան է եղել։
«Ուզում եմ, որ հաղորդագրությունը Մելիքյանն ուղարկի, հետո նա ամբողջ կյանքում կպատմի այդ մասին»,-ասել է Էյզենհաուերը։
Միացյալ Նահանգներում ավիահաղորդակցությունը խիստ սահմանափակված է. վետերաններին Վաշինգտոն են տարել դատարկ ինքնաթիռներով։
Ամերիկացի վետերանները պետք է ժամանեին Մոսկվա, բայց կորոնավիրուսի համավարակի պատճառով ուղևորությունը ստիպված եղան չեղարկել։
Հացի իրական գինը, կամ ինչպես էին հայերը շփվում գերի ընկած գերմանացիների հետ
