ԵՐԵՎԱՆ, 28 մայիսի - Sputnik. Աշխարհում յուրաքանչյուր հինգերորդ երիտասարդը զրկվել է աշխատանքից կորոնավիրուսի համավարակի պատճառով։ ՌԻԱ Նովոստին, հղում անելով Աշխատանքի միջազգային կազմակերպության կողմից հրապարակված հետազոտությանը, նշում է, որ նրանց մոտ, ովքեր շարունակել են աշխատել, զբաղվածությունը կրճատվել է մոտ 23 տոկոսով։
Աշխարհին պատուհասած կորոնավիրուսի հետևանքով փետրվարից երիտասարդների շրջանում կտրուկ ավելացել է գործազրկությունը։ Ընդ որում, այս իրավիճակում կանայք տղամարդկանցից շատ են տուժել։
Համավարակի հետևանքով երիտասարդները ոչ միայն կորցնում են աշխատանքը, խախտվում է նրանց կրթական գործընթացը, ընդհատվում է մասնագիտական կատարելագործումը, այլև լուրջ խոչընդոտներ են ստեղծվում նրանց համար, ովքեր նոր են մուտք գործում աշխատաշուկա կամ փոխում են աշխատանքը:
ԱՄԿ-ի տվյալներով ՝ երիտասարդների շրջանում գործազրկության մակարդակը 2019 թվականին կազմել է 13,6 տոկոս։ Աշխարհում մոտ 267 մլն երիտասարդ չունի աշխատանք, կրթություն կամ մասնագիտական պատրաստվածություն։ 15-ից մինչև 24 տարեկան այն երիտասարդները, որոնք վարձու աշխատանք են կատարում, հաճախ կատարում են ցածր վարձատրվող աշխատանք, աշխատում են ոչ օրինական դաշտում։ Նրանց շարքում շատ են միգրանտ աշխատողները, ինչը նրանց արդեն խոցելի է դարձնում աշխատաշուկայում։
Մեղավորը մարդն է. բրազիլացի գիտնականը խոսել է համավարակների առաջացման պատճառների մասին
Մասնագետները վստահ են՝ եթե անհապաղ քայլեր չձեռնարկվեն մեղմելու կորոնավիրուսի հետևանքները երիտասարդների համար, ապա «վիրուսի թողած ժառանգությունը» կարող է մեզ դեռ տասնամյակներ ուղեկցել։ Եթե երիտասարդների տաղանդն ու էներգիան հետ մղվի, դա կվնասի մեր ողջ ապագան և կդժվարացնի COVID-19-ից հետո տնտեսության վերականգնումը։
Հղիությունն ու ծննդաբերությունը համավարակի ժամանակ․ լուսանկարներ, որոնք անտարբեր չեն թողնի
