Միքայել Պողոսյանն արձանը համեմատեց ժամանակին Երևանում տեղադրված Բանվորի արձանի հետ` նշելով, որ արձանը նույն տպավորությունն է թողել իր վրա։
«Երևանը պատրաստ չէ նման գերեզմանային ճարտարապետության ու քանդակագործության ու երբեք չի եղել։ Այս քաղաքը պետք է բարձրացնել, իսկ մենք իջեցնում ենք։ Այդ ո՞ւմ նախագծերն են, չեմ հասկանում, ի՞նչ իրավունքով, ո՞վ է հաստատում այդ ամենը»,- հռետորական հարցեր է հնչեցնում երևանցի արվեստագետը։
«Միակ բանը, որ չի կարելի սովորել ժողովրդից, դա ճաշակն է»,- ասում է նա։
Իսկ հնչող տեսակետին, թե ժամանակին դժվարությամբ ընկալվեց նաև Կարապի լճի մոտ տեղադրված Առնո Բաբաջանյանի արձանը, բայց այսօր այն արդեն սիրված է, Միքայել Պողոսյանը չհամաձայնեց։ «Առնո Բաբաջանյանի արձանն արվեստի գործ է ու բարձրորակ արվեստի գործ»,- ասաց դերասանը։
ԽՍՀՄ զրահատանկային զորքերի գլխավոր մարշալ Համազասպ Բաբաջանյանի արձանի բացման արարողությունը>>
